Vo Maza Hi Kuch Aur Tha...

Teri har baat ka maza kuch aur tha
teri har mulakat ka maza kuch aur tha.
Tere sath rehne ka, Tere paas rehne ka, tere har baar rehne ka maza kuch aur tha..

Tujhe khoya, Fir paya aur pa ke fir kho dia,

Is paa ke khone ka andaaz hi kuch aur tha.

Is aane jane ke beech un hasti khelti baaton ka,

Vo do pal sath bitane ka maza hi kuch aur tha…

Jab chaha tujhe, tu tha nahi

Jab maanga tujhe, tu mila nahi

Tera yun mujhe chhod jane ka maza kuch aur tha…

Khush to main tab bhi tha

Khush to main ab bhi hun

Par tera mujhe rulane ka maza hi kuch aur tha..

Vo raaton ko jagane ka,

Har baat pe tujhe chidane ka

Vo chhup chhup ke tuje dekhna

Aur dekh ke yun muskurane ka maza hi kuch aur tha..

Tera man hi man has jane ka

Mujhse yun sharmane ka,

Vo tera tera yun chhoo jane ka maza hi kuch aur tha..

Tu sath nahi hai ab mere,

Fir bhi tujhe soche jane ka,

Teri yaadon me kho jane ka,

Tujhse mera yun mil jane ka maza hi kuch tha..

Tujhe baar baar bulana ka,

Lad ke bhi pyaar jatane ka,

Har baat me sath nibhane ka maza hi kuch aur tha..

Tu ab bhi mere sath hai,

Teri yaadein mere paas hain,

Khush to main  tab bhi tha,

Khush to main ab bhi hun,

Par Tera sath paane ka ae-dost maza hi kuch aur tha….


-written by Akash Tandon